USD
КИЕВ. 6 наурыз. Украина президенті алдында өткен әскери кеңестің нәтижесі Бахмутты қорғауды жалғастыруға ұйғарым шығарды. Бұл туралы украин ресустарына шолу жасаған rast.kz хабарлады.
«Украина армиясының Залужный мен Сырский тұрғысындағы командалық құрамы Зеленьскийдің Украина Қарулы күштері іс-қимылдарының бұдан арғы жоспарлары жөніндегі сұрағына жауап ретінде Бахмутты қорғауды жалғастыра беруді ұсынды», – делінген «Диалог.ua» хабарламасында.
«Стопкор» бүгін президент Зеленьскийдің Жоғары бас қолбасшы ставкасының жаңа отырысын өткізгенін хабарлады. Онда Украина армиясының командалық құрамы президентке майданның негізгі бағыттары, соның ішінде Бахмуттағы ахуал жайында баяндады.
Украина президентінің сайты отырыста талқыланған мәселелердің жай-жапсарын жариялады.
Айта кету керек, жиында Бахмут қорғанысы төңірегіндегі жағдай жеке талқыланды. Мұнда Украина армиясының Залужный мен Сырский тұрғысындағы командалық құрамы Зеленьскийдің Украина Қарулы күштері іс-қимылдарының бұдан арғы жоспарлары жөніндегі сұрағына жауап ретінде Бахмутты қорғауды жалғастыра берудің қажеттілігін алға тартты. Ұсыныс президент тарапынан мақұлданды.
Ставканың жүру барысында майдан шептеріне қару-жарақтар мен жабдықтар жеткізіп беру, сондай-ақ оларды әртүрлі учаскелерге бөлу мәселелері де қаралды.
Президент офисіндегілер ставка отырысына барлау басшысы, премьер-министр, ұлттық қауіпсіздік және қорғаныс кеңесінің хатшысы, жоғары лауазымды күштік құрылымдар басшылары, сондай-ақ әртүрлі әскер тектері мен жедел бағыттардың қолбасшылары қатысқанын атап өтті.
АҚШ қорғаныс министрі Ллойд Остин дүйсенбі күні Бахмуттың украин армиясы үшін тактикалық маңызынан гөрі символдық мәнінің жоғары екенін айтты. Ол қала қорғанысының құлауы Мәскеудің соғыс динамикасын арттырғанына, оның бағытын өзгерткеніне дәлел бола алмайды деді. Шенеуніктің ойынша, Бахмут соғыстың тағдырын шешпейді. Министр мұны бүгін Иорданияға сапары кезінде мәлімдеді.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
