USD
САНКТ-ПЕТЕРБУРГ. 22 мамыр. Санкт-Петербурге Ресей студенттері мен мектеп оқушылары арасындағы «Қытай тілі – көпір» атты конкурстың финалы өтті. Бұл туралы «Синьхуа» ақпарына сүйенген rast.kz хабарлайды.
Бейсенбі күні өзінің мәресіне жеткен сайысқа 21 студент, 18 орта мектеп оқушысы, барлығы 39 адам қатысты.
Қытай тілін үйренуге арналған Бүкілресейлік байқаудың ашылу рәсімінде сөйлеген ҚХР-дың Санкт-Петербургтегі бас консулы Ло Чжанхуэй Қытай мен Ресей арасындағы технологиялар, экономика және гуманитарлық алмасулар саласындағы ынтымақтастықты тереңдетумен қатар дәл коммуникацияны қамтамасыз ете алатын адамдардың сұранысқа ие екенін атап өтті. Ол екі елдің студенттерін болашақта екіжақты өзара іс-қимылға үлес қосу үшін қытай және орыс тілдерін мұқият оқуға шақырды.
Конкурсқа тақырыптық қойылымдар мен берілген тапсырма бойынша сөйлеу тақырыптағы қойылымдар, таланттар шоуы, қытай тілі, қытай мәдениеті және Қытай туралы сұрақтарға жауаптар сияқты кезеңдер кірді.
Тартысты бәсекенің нәтижесінде 18 жастағы Ирина Гаврилова мен 14 жастағы Таисия Ситницкая жеңімпаз атанды.
Іс-шараны Ресейдегі ҚХР елшілігі мен Санкт-Петербургтегі ҚХР бас консулдығы, Санкт-Петербург мемлекеттік университеті жанындағы Конфуций институты және «Конфуций» Шығыс тілдері мен мәдениеті академиясы бірлесіп ұйымдастырды.
