USD
ХЬЮСТОН. 24 маусым. Португалия құрамасының шабуылшысы және капитаны Криштиану Роналду 6 әлем чемпионатында гол соққан алғашқы футболшы болды. Бұл туралы DW ақпарына сүйенген rast.kz хабарлайды.
Оның командасы АҚШ-тың Хьюстон қаласында Өзбекстан құрамасымен кездесіп, 5:0 есебімен жеңді.
Португалия құрамасының шабуылшысы және капитаны Криштиану Роналду 6 әлем чемпионатында гол соққан алғашқы футболшы болды. Мұндай жаңалықты 23 маусым күні Халықаралық футбол федерациясы (ФИФА) жеткізді.
Сейсенбі күнгі матчта 6 және 39-минуттарда Роналду екі гол соқты. Dpa агенттігі атап өткендей, қазір 41 жастағы форвард 6 әлем чемпионатында 10 гол соқты, бұл оны турнирдің тарихтағы ең жақсы бомбардирі етеді.
Американың Хьюстон қаласында өткен ойыннан кейін журналистерге берген алғашқы түсіндірмесінде Роналду: «Мен өте қуаныштымын. Ең бастысы, әрине, біз команда ретінде жақсы жұмыс жасадық. Қолымыздан келгеннің бәрін жасадық, соған лайықпыз, қиын кезеңдерді де бастан өткердік. Біз қайта оралдық», – дедді футболшы Dpa агенттігіне.
Енді Португалия іріктеу турнирінде бірінші орын алу үшін оның соңғы матчында Колумбиямен кездеседі. Егер португалдардың осы мақсаты орындалса, Аргентинамен және Роналдудың көптен бергі бәсекелесі – Лионель Мессимен арада өтетін қызықты ширек финалдық матчқа әкелуі мүмкін.
«Мен бұл жайында не айтарымды да білмеймін. Керемет… бұл керемет болар еді», – деді Роналду. – Бірақ қазіргі әңгіме – келесі раундқа шығу туралы. Төрт ұпаймен біз бұған қол жеткіздік деп ойлаймын. Мен өте бақыттымын».
Айта кетейік, 2026 жылғы әлем чемпионаты АҚШ, Канада және Мексикада 11 маусымда басталды, ол 19 шілдеде өз мәресіне жетеді.
Қазіргі әлем чемпионы – Аргентина құрамасы. Ол 2022 жылғы чемпионаттың финалында Франция құрамасын ойыннан кейінгі пенальти сериясында 4:2 етіп жеңген болатын. Негізгі уақыт 3:3 есебімен аяқталды. Онда атргентиналық Лионель Месси дубль жасаса, француз Килиан Мбаппе хет-трик тіркеді.
