USD
КИЕВ. 26 маусым. Украинаның Қарулы күштері өткен түнде Ресейге ұшқышсыз ұшақтардың рекордтық мөлшердегі көп санын шығарып, жойқын жорық бастады. Бұл туралы The Moscow Times ақпарына сүйенген rast.kz хабарлайды.
Украина әскерлері соғыс басталғалы бері тап мұндай зор түнгі шабуылға кезек бере алған жоқ.
РФ Қорғаныс министрлігінің мәліметі бойынша, 26 маусымға қараған түні Ресейдің әуе шабуылына қарсы қорғаныс жүйелері 12 аймақ пен аннексияланған Қырымның үстінен 660 украин дрондарын «жойған». Бұған дейін жорыққа тартылған дрондардың саны бойынша ең көбі 17 мамырға қараған түні тіркелген: содан кейін Ресей әскери бөлімдері 556 дронның атып түсірілгені туралы есеп берді. Аталмыш рекорд 18 маусымға қараған түні қайталанды – бұл жолы әскерилер 555 дронның «ұсталғанын» баяндады. Украина Қарулы күштері 18 маусымда Ресейге бір тәулікте 992 ұшқышсыз ұшақтарды аттандырып, тағы бір рекорд жасады.
Өткен түнде украин дрондарының басты нысаналарының бірі Тула облысы болды. Губернатор Дмитрий Миляевтің айтуынша, облыс аспанынан 157 дронды атып түсіріліпті. Өңір басшысы Новомосковскідегі өнеркәсіптік кәсіпорынның және Щекин ауданындағы жеке үйдің зақымданғаны туралы хабарлады. Astra анықтағандай, дрондар аммиак пен азот тыңайтқыштарының ең ірі отандық өндірушісі болып табылатын «Азот» зауытына соққы берген. Сондай-ақ, Новомосковскіде 115 мыңнан астам халқы бар қаланың тұрғын үй секторының 60%-ын жылумен және ыстық сумен қамтамасыз ететін ГРЭС өртенген.
Украина шабуылының тағы бір нысаны Мәскеу болды. Ресей астанасының мэрі Сергей Собяниннің айтуынша, түнде қалаға ұшып бара жатқан 47 дрон атып түсірілген. Ол бұдан басқа мәліметтерді келтірмеді, тек төтенше жағдайлар қызметтері қоқыс құлаған жерлерде жұмыс істейтінін айтты. Зардап шеккендер туралы мәлімет жоқ.Ал Мәскеудің Домодедово, Внуково және Шереметьево әуежайларында рейстерді қабылдауға және жөнелтуге шектеулер енгізілді.
