USD
АРЛИНГТОН. 23 маусым. Аргентина құрамасының шабуылшысы әрі команда капитаны Лионель Месси футболдан әлем чемпионаты тарихындағы ең үздік мерген шабуылшы атағына қол жеткізді. Бұл туралы Халықаралық футбол федерациясының (ФИФА) дерегіне сүйенген rast.kz хабарлайды.
Маусымның 22-сі күні түнде Американың Даллас штатындағы Арлингтон қаласының стадионында Аустрия құрамасымен топтық турнирдің 2-турында кездескен Аргентина 2:0 есебімен жеңіске жетіп, 6 ұпай жинап, плей-офф кезеңіне мерзімінен бұрын жолдама алды. Осы матчтағы екі голды да Месси өз есебіне жазды. Ол 38 және 90+5 минуттарда мергендігімен көзге түсіп, әлем чемпионаттарында соққан голдарының санын 18-ге апарды. Сөйтіп, ГФР құрамасының бұрынғы шабуылшысы Мирослав Клозеден басып озды. Неміс форвардының бұған дейінгі көрсеткіші 16 доп болатын.
Аргентина – Аустрия арасындағы матчтың 38 минутында 38 жастағы Месси қақпа алаңының сыртында тұрып ұрған добын, қорғаныс бойында қаншама ойыншылардың тұрғанына қарамастан, дарбаза торының дүңгіршегінен бір-ақ шығарды. Осылайша ол өзінің алғашқы рекордын тіркеді. Ал ойынның негізгі уақытына қосылған 5-ші минутта тағы бір доп салып үлгерген ол енді өз рекордын өзі жаңартып жіберді.
Дегенмен, Лионельдің бұл рекордын осы чемпионаттың өзінде-ақ өзгерте алатын тағы бір футболшы бар. Ол – Франция құрамасының шабуылшысы Килиан Мбаппе. Француз осы кезге дейінгі әлем чемпионатында 14 гол салып қойған. Оның да екеуін осы мундиалда соқты. Демек, аталмыш екі форвард арасында осы жолы көзбе-көз бәсеке орын алып қалуы да ықтимал.
Айтқандай, аталмыш матч аяқталмай жатып-ақ, 48 жастағы Мирослав Клозе өзінің аргентиналық әріптесін рекордтарымен құттықтап қойды. «Мен қашаннан Месси жаман ойыншы емес деп айтып жүруші едім, – деді Клозе алманның Süddeutsche Zeitung газетіне берген сұхбатында. – Мен үшін Лионель Месси – барлық уақыттардың үздік футболшысы. Құттықтаймын, чемпион!»
Бұған дейін Аргентина және Аустрия құрамалары бір-ақ рет бір-бірімен кездескен екен. 1990 жылы ойналған сол жолдастық кездесу тең аяқталыпты.
