USD
УАШИНГТОН. 2 ақпан. Ресейдің қаржылық алаяқтық сызба арқылы оффшорлық резерв құру әрекеті анықталып, $2 млрд ақшасы бұғатталды. Бұл туралы Dialig.ua ақпарына сүйенген rast.kz хабарлады.
АҚШ Ресейді оффшорлық доллар қорын құруға әрекеттенді деп күдіктеніп, шамамен оның 2 миллиард доллар қаржысын қатырып тастады.
Сөйтіп, Ресейге тиесілі тағы 2 миллиард доллар АҚШ-тың қолына түсті. Американың JPMorgan банкі Түркияға аударуға әрекеттенген кезде қаражатты бұғаттаған. Мұның жайын Wall Street Journal (WSJ) басылымы жазды.
«Мәскеудің JPMorgan есепшотында 2 миллиард доллар тұрып қалған. Құрама Штаттар онымен не істерін білмей отыр. АҚШ-тың Әділет министрлігі Ресей мен Түркияны Ақкую атом электр станциясы жобасымен АҚШ-тың санкцияларын айналып өтуге тырысты деп күдіктенгеннен кейін АҚШ бұл ақшаны бұғаттаған», – делінген мақалада.
Ресей мен Түркия арасындағы әдеттен тыс қаржылық белсенділік орыс әскерлері Украинаға жаппай шабуыл жасап, басып кіргесін бір-екі айдан кейін басталды. Сол кезде «Аққую құрылысына қысқа мерзімде 5 миллиард долларға жуық қаржы аударылған. Төлемдер мұнымен бітпеді.
АҚШ әділет министрлігі «Аккую» жай ғана бүркеме, ал шын мәнінде Мәскеу Түркияның көмегімен Батыстың санкцияларын айналып өтіп, шетелдегі басқа операцияларды қаржыландыру үшін оффшорлық доллар қорын жасап жатыр деп санайды.
Қазір бұл ақша бұғатталған.
WSJ мәліметінше, Түркияға ақша аудару үшін америкалық банктерді пайдалану идеясын Ресей Федерациясының Орталық банкінің басшысы Эльвира Набиуллина ойлап тапқан. Бұл сызбаға әлемдік энергетика және азық-түлік нарығындағы проблемаларды болдырмау үшін АҚШ санкция салмаған ресейлік қаржы институттары қатысты. Мәскеу бұл олқылықты жақсы пайдаланған.
Түркия сызбаға қызығушылық танытыпты, өйткені инфляцияны жеңілдету үшін шетел валютасына өте мұқтаж еді. Басылымның жазуынша, бұл схемаға Түркия президентінің ең жақын адамдарының бірі, елдің Ұлттық барлау қызметін басқаратын Ибрагим Калин араласуы мүмкін.
