USD
ЕРЕВАН. 5 шілде. Ресей Әзербайжанмен арасы шиеленісе түскеннен кейін Армениядағы әскери базасын күшейтуге кірісті. Бұл туралы Dislog.ua ақпарына сүйенген rast.kz хабарлайды.
Әзербайжанмен шиеленіс жағдайында Кремль Армениядағы әскери базасын нығайтуға ден қойды. Мұның өзі бұл қақтығыстың алдын ала дайындалғанын көрсетеді.
Ресей Ростов пен Волгоград облыстарында, сондай-ақ басып алынған Қырымда қызмет ететін әскерлерін Гюмридегі базаға ауыстырады.
Әзербайжанмен арадағы шиеленіс жағдайында Мәскеу Армениядағы әскери қуатын күшейтуге бағыт алды. Агрессор ел Ростов және Волгоград облыстарында, сондай-ақ уақытша басып алынған Қырымда қызмет ететін әскерлерін ауыстырып, Гюмридегі базасын штатпен қамтамасыз етуді жеделдетті. Сонымен қатар, Ресей Федерациясы Кавказдың езілген халықтары арасынан еріктілерді белсенді түрде тартуда. Мұның жайын Украина барлау қызметі жеткізді.
Украина бас барлау басқармасы Кремльдің мұндай қадамы Ресейдің Оңтүстік Кавказ аймағындағы ықпалын күшейтуге бағытталған кеңірек стратегиясының бір бөлігі екенін аңғартатынын алға тартады.
Ресей әскерін Арменияға орналастыру аймақтағы жағдайды тұрақсыздандыруға және көршілес елдердің позициясын әлсіретуге бағытталған. Барлау Мәскеу мен Баку арасындағы қарым-қатынастың нашарлауы алдын ала жоспарланған ресейлік сценарийдің бір бөлігі болуы мүмкін екенін атап өтті.
Бас барлау басқармасы РФ әскерлерінің өз елі аумағындағы да, одан тыс жерлердегі де қозғалысын мұқият бақылауды жалғастыруда.
