USD
ФИЛАДЕЛЬФИЯ. 11 шілде. Қазіргі күндері футболдан әлем чемпионатына қызмет көрсетіп жүрген өзбекстандық төреші Ильгиз Танташев жанжалдың ортасына түсіп қалды. Бұл туралы РБК ақпарына сілтеме жасаған rast.kz хабарлайды.
АҚШ-тың Филадельфия қаласындағы «Филадельфия» стадионында Франция мен Парагвай құрамалары арасында 5 шілде күні өткен 1/8 финалдық матчқа қазылық еткен өзбек хакамы (hakam) Ильгиз Танташев француздың L’Équipe спорт газетінің бағалауынша, 10 балдық жүйеде 1 деген баға алды. Бұл – әлем біріншіліктері тарихындағы ең төменгі көрсеткіш.
Аталмыш матчтағы төрешіліктің шынында өте нашар болғанын мамандар да айтып отыр. Мысалы, ресейлік экс-арбитр Игорь Федотов әдетте жақсы қазылық жасап жүрген Танташевтің бұл матчта өз міндетін игере алмағанын РБК тілшісіне ашып айтты. Франция 1:0 етіп жеңген кездесу барысында оның дәрменсіздігі салдарынан алаңдағы ойыншылар арасында қақтығыстар жиі орын алып тұрған. Сол ойында парагвайлықтардың француздарға қарсы барынша агрессивті және дөрекі ойнағандарын жұрттың бәрі көрді. Бірақ рефери ескертуді тек Франция құрамасының ойыншыларына ғана бере берген. Атап айтқанда, 3 французға «сары қағаз» көрсетілген, ал Парагвай футболшылары қанша «құтыртып» ойнаса да, бұдан дін-аман шыққан.
Осы үшін «Эдип» (L’Equipe) мәтбұғаты төрешілікке «бір» деген баға қойған.
«Менің ерекше назар аударатын жалғыз нәрсем: Франция – Парагвай арасындағы кездесуде өзбекстандық арбитр ойынға мүлде еге бола алмады. Мұнда алаңда ойларына келгендерін істеп баққан Парагвай командасының әрекетін талқылап та қажеті жоқ. Мұның бәрін істеген – арбитр. Бұл – қатардан «шығып қалған» жалғыз, бірден-бір ойын», – деді Федотов.
Мамандар кейін Танташевтің ойын барысында парагвайлықтар тарапынан жасалған 13 дөрекі фолға ешқандай мән бермегенін, бұлардың бірде-бірі үшін «сары қағаз» көрсетпегенін атап өтті.
