USD
БЕРН. 22 шілде. Халықаралық Футбол федерациясы (ФИФА) өзінің сайтында 2026 жылғы әлем чемпионатына қатысқан командалар үздік 11 ойыншысын жариялады. Бұл туралы ФИФА дерегіне сүйенген rast.kz хабарлайды.
Үздіктер қатарынан Испания құрамасының – 3, Францияның – 3, Аргентинаның 2 футболшысы көрінді. Сондай-ақ Кабо-Верде, Англия және Норвегия терме жамағаттарының бір-бір өкілі озықтар ордасынан ойып орын алды.
Турнир командасының қорытынды құрамы жанкүйерлердің дауыс берулері нәтижесінде ФИФА-ның бекітуімен шығарылды.
Сонымен ӘЧ-2026-ның символдық құрамасы құрамы мынадай:
Қақпашы: Возинья (Кабо-Верде);
Қорғаушылар: Педро Порро (Испания), Лисандро Мартинес (Аргентина), Дайо Упамекано (Франция), Марк Кукурелья (Испания);
Жартылай қорғаушылар: Родри (Испания), Майкл Олисе (Франция), Джуд Беллингем (Англия);
Шабуылшылар: Лионель Месси (Аргентина), Эрлинг Холанд (Норвегия), Килиан Мбаппе (Франция).
Әлем чемпионаты 2026 жылы бірінші рет 48 ұлттық команданың қатысуымен үш елде (АҚШ, Канада, Мексика) 11 маусым мен 20 шілде аралығында өтті. Оның жартылай финалдан бастап соңына дейінгі барлық матчтары АҚШ жерінде ойналды.
Чемпиондықты финалда Аргентина құрамасын овер-тайм арқылы 1:0 етіп ұтқан Испания құрамасы жеңіп алды. Үшінші орын үшін таласта Англия құрамасы француздарды 6:4 есебімен талқандап шықты.
Турнирдің бас мергені атағын 10 доп салған Килиан Мбаппе еншіледі.
Мундиалдың ең үздік ойыншысы атағы Родриге берілді.
