USD
МӘСКЕУ. 6 ақпан. Ресейліктердің дені Украинада жүріп жатқан соғыстың арқасында байлықтары артып, жақсы өмір сүре бастаған сияқты. Бұл туралы The Moscow News ақпарына сүйенген rast.kz хабарлайды.
РФ-ның ресми статистикасы халықтың материалдық жағдайы жақсара түскенін көрсетіп отыр. Мысалы, тұрғындардың ахуалы былтыр алдыңғы жылға қарағанда, анағұрлым жақсарған сыңайлы. Айтуларынша, табыс пен жинақтың көлемі өсуде, кедейлік пен жұмыссыздық азайып келеді.
Алайда, «Левада Центр» сауалнамасының нәтижесі бойынша, соңғы бір жылда халық кедейленді деп есептейтіндер байыды деп ойлайтындарға қарағанда көп. «Өмір сүру деңгейі қалай өзгерді» деген сұраққа сұралғандардың 38 пайызы «жағдай нашарлап кетті» деп жауап берсе, 18 пайызы керісінше «жақсара түсті» деп санайтыныдарын білдірген. Жақсы ақша табу мүмкіндігі туралы жауаптардың арақатынасы 30 пайыз және 23 пайыз (37% ештеңе өзгерген жоқ деп есептейді, тағы 9% жауап беруге қиналды). Керісінше, материалдық игіліктерді бөлудегі әділеттілік те төмендеген, атап айтқанда, 29% жағдай нашар, 11% жақсы жаққа өзгерді деп есептейді.
Ресми статистикаға сәйкес, адамдар өткен жылы айтарлықтай байып шығыпты. Росстат мәліметінше, қаңтар-қазан айларында жалақы 2023 жылдың 10 айымен салыстырғанда 17,9%-ға, ал нақты мәнде (инфляцияны есепке алғанда) 8,9%-ға жоғары болған. Қазан айында орташа жалақы 86,6 мың рубльге толды. Қаңтар-қыркүйек айларында халықтың қолындағы нақты ақшалай табысы (міндетті төлемдерден кейін қалғаны) өткен жылдың үш тоқсанымен салыстырғанда, 8,6%-ға жоғары өрлеген. Орталық банктің мәліметінше, бір жыл ішінде банктердегі халық қаражаты 11,9 триллион рубльге немесе 26 пайызға артып, 57,5 триллион рубльге жеткен. Ал 11 айдағы барлық жинақтар (эскроу шоттарын қоспағанда) – 14,3%-ға 118,8 триллион рубльге дейін. Кедейлік деңгейі де бір жыл бұрынғы 9,3%-бен салыстырғанда, 2024 жылдың үшінші тоқсанында 8%-ға дейін төмендеді.
Дегенмен, Росстат тек «ұйымдар қызметкерлерінің» жалақысын ескереді, бұл жұмыс істейтіндердің жартысынан сәл астамы. Бұл ретте 40 миллионнан астам зейнеткер кедей өмір сүре бастаған: қаңтар-қарашада зейнетақы нақты мәнде 0,7%-ға қысқарды, ал 2024 жылғы қарашада бір жыл бұрынғыдан 1,3%-ға азайыпты.
Қорытындылай келгенде, бөтен елдің босағасынан аттаған басқыншылық соғыс орыстарға жаққан сияқты.
