USD
АСТАНА. 12 қаңтар. Қазақстанның бұрынғы президенті Нұрсұлтан Назарбаев Парламент депутаттарының шешімімен құрметті сенатор статусынан да айырылды. Бұл туралы ҚазТАГ хабарлады.
Парламент Сенатының төрағасы Мәулен Әшімбаев журналистерге осының жайын айтып берді.
«Біз ертең «Тұңғыш Президент – Елбасы туралы» заңның күшін жоюға қатысты шешім шығарамыз. Құрметті сенатор атағына қатысты сұрақ қойылды. Конституциядан мұны алып тастағандықтан, заңның күшін жоюды қарау кезінде «Құрметті сенатор» атағын регламенттен алып тастадық. Мұның бәрі жалпыхалықтық референдум қорытындысы бойынша жасалып жатқан іс-әрекеттер», – деді ол бейсенбі күні.
Бұған дейін «Құрметті сенатор» атағы бір-ақ адамға – Нұрсұлтан Назарбаевқа ғана берілген екен, енді заңнамада «Құрметті сенатор» деген атақ жоқ.
