USD
МИННЕАПОЛИС. 9 қаңтар. Миннеаполисте АҚШ иммиграция және кеден қызметкері үш баланың анасы, ақын әйелді атып өлтірді. Бұл туралы BBB ақпарына сүйенген rast.kz хабарлайды.
Би-си-си радиосы осыған орай зорлықтың құрбаны болған Рене Николь Гуд туралы хабар таратты.
«Бейсенбі күні Миннеаполисте АҚШ иммиграция және кеден қызметі (ICE) қызметкерінің қолынан қаза тапқан әйелдің кім екені анықталды. Ол жақында қалаға көшіп келген 37 жастағы үш баланың анасы Рене Николь Гуд болды. Ол беделді әдеби байқауда жеңіске жеткен және гитарада ойнағанды жақсы көретін ақын болған», – деп жазылған хабарламада.
Қала шенеуніктерінің айтуынша, оқиға орын алған кезде Гуд сол жердк иммиграция және кеден қызметі қызметкерлерінің заңды бақылаушысы ретінде болған. Алайда бұл Трамп әкімшілігінің оны «ішкі террорист» деп атауына кедергі болған жоқ.
Гудтың өлімі бүкіл ел бойынша наразылық акцияларын тудырды, көптеген адамдар «Рене үшін әділеттілік» деген жазуы бар тақтайшалар ұстап көшеге шықты. Оның анасы Донна Гангер Minnesota Star Tribune газетіне қызының өліммен аяқталған офицерлермен қақтығыс кезінде «қорқып кеткен шығар» дегенді айтып, Рененің «бұрын-соңды танымаған ең мейірімді адамдардың бірі» болғанын да қосты.
«Ол өте мейірімді болды», деді Гангер. «Өмір бойы адамдарға қамқорлық жасады. Ол сүйіспеншілікке толы, кешірімді және жұмсақ болды. Ол керемет адам еді».
Ренидің әкесі Тим Гангер Washington Post газетіне «ол қиын жағдайда болса да, жақсы өмір сүрді» дегенді айтты.
Бастапқыда 50 000 доллар деп белгіленген Гуд отбасына арналған қайырымдылық шарасының сомасы бар-жоғы 10 сағаттың ішінде 370 000 доллардан асып түскен.
