Бауыржан Исламхан «Зенитке» ауысады

АЛМАТЫ. 20 қаңтар. Қазақстан құрамасы мен Алматының «Қайрат» командасының капитаны Бауыржан Исламхан Санкт-Петербургтің «Зенитіне» ауысатын болды. Бұл туралы Sport.kz хабарлады.

Ресей чемпионы қазір Катарда оқу-жаттығу өткізіп жатыр. Жиын 25 қаңтарға дейін жалғасады. Соңғы күні ресейліктер австриялық «Ред Булл Зальцбург» клубымен жолдастық кездесу өткізеді. Дәл сол ойында Сергей Семак қазақ футболшысын алаңға шығарып, бабын байқап көруі мүмкін.

Өткен маусымда Бауыржан Исламхан «Қайрат» сапында 22 ойын ойнап, 7 гол соқты, 8 нәтижелі пас берді.