Тәжікстан билігі ел азаматтарының терактіге қатысы барына сенбейді
ДУШАНБЕ. 24 наурыз. Тәжікстан билігі Мәскеудегі терактіге екі ықтимал тәжіктің қатысқандарын жоққа шығарып отыр. Бұл туралы Asia-Plus ақпарына сүйенген rast.kz хабарлайды.
Тәжікстан сыртқы істер министрлігі Ресей бұқаралық ақпарат құралдарында таралып жатқан полицейлердің бағыттамаларындағы Тәжікстанның екі азаматының терактіге қатыстары жоқ екенін баяндаған мәлімдеме жариялады.
Сыртқы істер министрлігінің өз ресми сайтында жариялаған мәлімдемесінде елдің құқық қорғау органдары жүргізген үш азаматқа қатысты тексеруде басқаша жайттардың анықталғаны айтылады.
«Бағыттамада көрсетілген ТР азаматтарының кем дегенде екеуі – Исмонов Риводжиддин мен Насреддинов Махмадрасулдың болған оқиғаларға ешқандай қатыстары жоқ, өйткені, олар 2023 жылдың қараша айында-ақ Ресейден елге оралған, содан бері Тәжікстанда өздерінің тұрғылықты мекендерінде тұрып жатыр», – делінген мәлімдемеде.
Министрлік сонымен бірге олардың қолдарына паспорттарын ұстап тұрған рәсімдерін жариялайды. Алайда суреттердің қашан түсірілгені айтылмайды.
Кейінірек республика сыртқы істер министрлігі таратылған мәліметте аты-жөні атап көрсетілген тағы бір тұлға – Хатлон облысындағы Бохтар қаласының 02.01. 1995 жылы туған тұрғыны, қазіргі кездері Ресей Федерациясының Самара қаласында кәсібін жалғастырып жүрген Тәжікстан азаматы Назаров Рустам Исроиловичтің жолаушылар тасымалы көлігінің (такси) жүргізушісі болып жүргенін баяндайды.
«Террорлық акт жасалған мезетте ол Самара қаласында болған, аталмыш қылмысқа ешбір қатысы жоқ», – деп атап өтеді ведомство.
Осы аралықта Ваzа телеграм-арнасы күдікті ретінде бағыттамада атап көрсетілген Рустам Назаровтың бүкіл кешті туған-туыстары ортасында өткізгенін жазды. Бұған қарындасы Парвинананың ағасы өздерімен бірге кешкі асты ішкенін мәлімдеуі де куә. Ал таңертең өз суретін бағыттамадан көріп қалған Рустам ойланбастан ішкі істер бөліміне тартады. Қазіо ол өз көрсетулерін беріп жатыр.
Шамасы, Рустамның күдіктілер қатарынан табылуына оның қылмыскерлер пайдаланған «Рено» көлігінің бұрынғы егесі болғандығы себепкерлік еткен шығар. Көршілерінің айтуларынша, ол бұл машинаны бұдан екі жыл алдын сатып жіберген екен.
