Армян-әзербайжан шекарасында кескілескен ұрыс жүріп жатыр

БАКУ. 16 қараша. Армян-әзербайжан шекарасында бүгін таңертеңнен бері кескілескен ұрыс қимылдары жүріп жатыр. Бұл туралы «Вестник Кавказа» хабарлады.

Осыған орай армян БАҚ-тары осы кезге қадар 30 әскери қызметкердің қаза тауып, 100-ге жуық жауынгердің жоғалып кеткенін жазды. Олардың мойындауларынша, қазіргі сағаттарда Зангезурдегі (Сюник) ахуал армян тарапы үшін барынша қиын болып тұр.

Сонымен бірге, 11 армян солдатының әзербайжандар жағына тұтқынға түскені айтылады.

Мұндай ұрыс қиымлдары сондай-ақ Гызылтепе бағытында да жүріп жатыр.

Әзербайжан Қорғаныс министрлігі баспасөз қызметінің жетекшісі Анар Эйвазовтың хабарлауынша, Армения қарулы күштері бүгін таңертең екі елдің шекарасында Әзербайжанға қарсы кең ауқымды арандату әрекеттерін бастап кеткен.

Оның айтуынша, соңғы кездері армян әскери қызметкерлерінің Лачин және Кельбаджар бағытындағы арандату әрекеттері соңғы кездері өте жиілеп, белсенді бола түскен.

Эйвазов бүгін осы аумақтағы арадатушылықтар кең ауқымға ие болғанын әңгімеледі. Армяндар осы бағыттарға әскери техникаларын едәуір шоғырландырған. Олар азаннан бастап әзербайжан позицияларын минометтерден атқылауға көшкен. Осының салдарынан бұл тараптан екі шекарашы жарақат алған.

Осыдан кейін Әзербайжан әскерлері қарсы соққы жасауды қолға алып, олардың өз прозицияларына соққы бере бастаған. Бұдан кейін дұшпан жағы тым-тырақай қашқан.

Осылайша, кең ауқымды шабуылға шығу жолымен қысқа мерзім ішінде табысқа жетпекші болған Армения қарулы күштері бөлімшелерінің ниеті жүзеге аспай қалды. Олардың кезекті арандатушылық әрекеті сәтсіз аяқталды.

Анар Эйвазов қабылданған шұғыл шешімдердің нәтижесінде армян әскери қызметкерлерінің көбі қолға түскенін, біразының жер жастанғанын мәлімдеді.

Армандар бұдан кейін Сюник облысындағы еріктілерді көтерді. Олар қазір бұйрық күтіп отыр.