USD
МӘСКЕУ. 21 мамыр. Украина Қарулы күштерінің дрондары Самара облысындағы мұнай зауытына қауырт шабуыл жасап, жойқын соққы берді. Бұл туралы The Moscow Times ақпарына сүйенген rast.kz хабарлайды.
Шабуыл кезінде екі адам оққа ұшты.
«21 мамырға қараған түні украиналық дрондар Самара облысының Сызран қаласына шабуыл жасады», деп жазды аймақ губернаторы Вячеслав Федоришев.
Ресейдің Astra және Украинаның exilenova+ мониторингтік арнасының мәліметтері бойынша, соққының мақсаты «Роснефть» Сызран мұнай өңдеу зауыты (СМӨЗ) болған. Жергілікті тұрғындардың суреттеулеріне қарағанда, шабуылдан кейін кәсіпорында қатты өрт басталып, қалың қара түтіннің будағы аспанға көтерілген.
Бұған дейін жылына 8,5 миллион тоннаға дейін мұнай өңдеп келген зауыт 18 сәуірде дрондар шабуылына ұшыраған. Содан кейін технологиялық жабдық зақымданған. Нәтижесінде АВТ-6 мұнайын бастапқы өңдеу қондырғысының жұмысы тоқтатылған, бұл кәсіпорын қуатының 70%-дан астамын құрайды. Шабуыл кезінде зауытқа жақын тұрған тұрғын үйлерге залал келген.
«Соңғы екі аптада Орталық Ресейдегі барлық ірі мұнай өңдеу зауыттары украиналық дрондардың соққы берулері әсерінен шикізатты өңдеу мен мұнай өнімдерін өндіруді толығымен тоқтатуға немесе айтарлықтай азайтуға мәжбүр болды», деп жазды Reuters.
Шабуылға ұшырағандар арасында Мәскеу, Нижний Новгород, Рязань және Ярославль қалаларындағы мұнай өңдеу зауыттары болды.
Толық немесе ішінара тоқтаған мұнай өңдеу зауыттарының жалпы қуаты жылына 83 млн тоннадан асады (тәулігіне 238 мың тонна), бұл Ресейдің төрттен бір бөлігі құрайды. «Олар бірге Ресейдегі барлық автобензиннің 30%-дан астамын және дизель отынының шамамен 25%-ын шығарады», деп атап өтті Reuters.
