USD
МӘСКЕУ. 16 тамыз. Өткен түнде Украина Қарулы күштерінің ұшқышсыз ұшақтары Мәскеу түбіндегі Подольскінің ең үлкен Wildberries қоймасына, Домодедоводағы логистикалық орталыққа оқ жаудырды. Бұл туралы «Новая газета – Европа» ақпарына сілтеме жасаған rast.kz хабарлайды.
«16 тамызға қараған түні Украина Мәскеу маңындағы Подольскінің Wildberries қоймасының ту-талақайын шығарды. Ғимараттың ауданы 200 мың шаршы метрден асады – бұл компанияның ең аса ірі қоймасы», – делінген хабарламада.
Astra өртті екі тікұшақ сөндіріп жатқанын жеткізді.
Бұдан бөлек, Домодедоводағы логистикалық орталық та Украина Қарулы күштерінің соққылары астында қалды, ол жақта да қатты өрт болды. Astra жазғандай, әңгіме «Солтүстік Домодедово» сұрыптау-логистикалық кешеніндегі №15 қойма туралы болып отыр. Губернатордың сөзінше, онда дәрі-дәрмектер сақталған.
Қиратулар сондай-ақ Каширада да тіркелді, онда полиция бөлімінің жаңа ғимараты зардап шекті. Өнеркәсіптік нысанның жекелеген құрылымдары зақымдалуы Воскресенск де тіркелді. Подольскіде Wildberries қоймасындағы өрттен басқа, «Лесной» СНТ-дағы жеке үй, Климовскідегі жеңіл автомобиль және «Матвеевское» коттедждер қалашығындағы электр беру желісі зақымданды. Домодедово мен Чеховода бірнеше тұрғын үйге залал келген.
Губернатор Воробьевтің айтуынша, түнде Мәскеу облысы соңғы кездергі ең зор дрондар шабуылдарының біріне ұшыраған. Бір түнде Әуе қорғанысы күштері мен РЭБ құралдары Домодедово, Подольск, Ступино, Одинцово, Наро — Фоминск, Раменский, Чехов, Коломна, Кашира және Егорьевск қалаларында 187 ұшқышсыз ұшақ аппаратын атып түсірген.
Елорда мэрі Сергей Собянин бір түнде Мәскеуге қарай ұшып келе жатқан 201 дрон атып құлатылғанын айтты.
