Угледар түбінде Путиннің армиясы бір жыл бұрынғы позициясына қуып тасталды

КИЕВ. 24 ақпан. Ресейдің Угледар бағытындағы армиясы бұдан бір жыл бұрын тұрған позициясына қуып шығарылды. Бұл туралы «Диалог.UA» хабарлады.

«Ресей армиясы Угледар бағытында қуып тасталды, ал бейбіт халық Украина Қарулы күштерін күтіп отыр. Угледарға жасалған сәтсіз шабуылдар РФ-ның оккупациялық армиясы үшін бұдан бір жыл бұрын басып алынған территориялардан айрылып қалуға апарып соқтырды», – делінген хабарламада.

Мұны Кремльдің біржақты насихатшысы, Z әскери тілшісі Марина Харькова Ресейдің әлеуметтік желісінде растады.

«Угледар түбінде бірқатар учаскелерде бұдан бір жыл бұрынғы позицияларға шегінуге мәжбүр болдық. Ауыр да жанкешті шайқастар жүріп жатыр», – деп жазды ол.

«Пропагандашы» РФ оккупанттары басып алған территорияларда украинға бүйрегі бұрушылардың көп екенін ашық айтыпты. Ол сондай-ақ жұрттың азат етуші украин әскерлерін күтіп жүргендеріне де тоқталады.

Айта кетейік, Израиль армиясының офицері Игаль Левиннің мәліметі бойынша, РФ Қарулы күштерінің биылғы ақпандағы үлкен шабуылының жоспарында тап осы Угледар негізгі бағыт болуы тиіс екен. Ресейліктер кең ауқымды майданды Угледардан жарып шығуды көздеген көрінеді. Алайда оккупанттар мұнда қатты соққы алып, орасан зор шығындарға ұшырады.