USD
МӘСКЕУ. 15 наурыз. Ресей өңірлеріндегі сайлау учаскелерінде дауыс беруге келген сайлаушыларға өшірілетін сиямен толтырылған қаламдар ұсынылып жатыр. Бұл туралы The Moscow News ақпарына сүйенген rast.kz хабарлайды.
«Сирена» мәтбұғатының жазуынша, Ресей өңірлеріндегі сайлау учаскелерінің бәріне президент сайлауы қарсаңында соңынан өшіріліп кететін сиясы бар қаламдар таратылып берілген.
«Былайынша қалыптағыдай болып көрінетін қаламның сиясымен жазылған жазулар отқа тақаған кезде өзінен өзі жойылып кетеді. Осындай қаламдардың бірнеше қорабын алған сайлау учаскесінің басшылары біздің бәрімізге үндемеуді тапсырды», – деген Курск тұрғыны мұның айғағы ретінде видео таратты. Оның сөзіне қарағанда, өзіне берілген қорапқа кеңсе заттарын өндіретін BiC компаниясы мен Орталық сайлау комиссиясының лейблі басылған.
Мұндай қаламдар Дондағы Ростовтың сайлауыһ учаскелерінен де табылған. «Біреудің сенің бюллетеніңді кейін түзеткенін қаламасаң, урнаға өз қаламыңмен бар», – деді отқа қыздырғанда бояуы жоғалып кететін қаламға тап болған тағы бір тұрғын.
«Сирена» атап көрсеткендей, Ресейдегі сайлауларда мұндай технолология кем дегенде сонау 2009 жылдан бері пайдаланылып келеді екен.
Ресейде үш күнге созылатын президент сайлауы 15 наурызда басталды. Ол қалайда қандықол диктатор, рашизмнің негізін қалаушы Владимир Путинді бесінше мәрте президент етіп сайлауға бағытталып отыр. Осы бағытта бұған оймен болса да кедергі келтіруге тырысатындарды жерге қазық етіп кіргізіп жіберетін репрессия шараларына жол ашылды.
Осының қарсаңында президент сайлауына үміткер болып тіркетілмей қалған Евгений Надеждиннің парақшасына қол қойғандарды қудалау жүріп жатқаны айтылды. Ал бұдан кейін оның волентерлерінің соңдарына шам алып түсу басталып кетті.
