USD
МӘСКЕУ. 11 тамыз. Кремльде қазір Владимир Путинге қарсы тараптың оған алдағы сайлауға дейін сұрапыл соққы бергелі жатқаны жайлы қауесет тарай бастады. Бұл туралы «Кремлевская табакерка» телеграм-арнасы ақпарына сілтеме жасаған rast.kz хабарлайды.
«Біздің Кремльдегі жоғары лауазымды мәнбеміз Владимир Путин мен бүкіл Ресейдің ішкі жаулары тарапынан төнетін қауіп-қатер күн санап артып келе жатыр деп есептейді», – делінген хабарламада.
Ол айтарлықтай іргелі тазартулардың таяу күндері қолға алынғалы тұрғанын айтты.
«Экономикаға, қауіпсіздікке, көптеген басқа мәселелерге байланысты ахуал біздің арнайы соғыс операциясын созғанымыз сайын қатты ушығып келеді. Бұл – көзге көрініп тұрған факт. Ресейдің нағыз патриоттары бұған назар аудармай, күресті жалғастыра береді. Қазір ақша мен қауіпсіздік – басты мәселе емес. Ішкі жаулар арнайы соғыс операциясының неғұрлым тезірек аяқталғанын қалап, президентке сайлауға дейін сұрапыл соққы беру үшін амал-айла ойластырып жатыр», – деді Кремльдегі тұлға.
Оның сөзінше, «Владимир Владимирович үшін қастық жасалу ықтималдылығы Сібірден Мәскеуге дейінгі барлық жерде бар». «Бірақ біз шара қолданамыз. Барлық ішкі жаулар жазаларын тартатын болады. Өте ықпалды адамдардың ортасында тазарту жүреді», – деді арна әңгімешісі.
«Біз мұның Кремльдің элита арасында тазарту жүргізу жөніндегі бірінші ниеті емес екенін атап өтеміз. Алайда бәрі әңгімеден әрі аспады», – деп жазды «Кремлевская табаркерка» осы ретте.
«Әзіл-қалжыңдар таусылды. Ендігінің бәрі байсалды да кең ауқымды әрекеттер болады», – деп жауап берді сосын мәнбе.
Әңгімелесушілер қазір ФСБ-ның «Ресейдің ішкі жауларына қатысты белгілі бір әрекеттерді» дайындап жатқанын баяндады. Бірақ оның бүге-шігесіне тоқталған жоқ.
