USD
АЛМАТЫ. 11 шілде. Қазақ файтері Еркебұлан Тоқтар Алматыда өткен «IBA Nomad 15» турнирінде ресейлік Артем Тарасовты бірінші раундтың басында-ақ іске алғысыз етіп тастады. Бұл туралы sports.kz ақпарына сілтеме жасаған rast.kz хабарлайды.
Аталмыш жекпе-жек 4 шілде күні өтті. Ол үш раундқа жоспарластырылған болатын. Бірақ оның алғашқы минуттарында ресейлік атлет нокаутқа түсіп қалды. Еркебұлан соның алдында бір рет оны ұрып құлатып, нокдауын тіркеп еді, артынша екінші соққымен кескен теректей сұлатып түсірді.
Қарсыластар жартылай орта салмақта шайқасты.
Матчтан кейін Тарасов өзіне әділетсіз жеңіліс берілгенін, әлі де шайқасуға мүмкіндігі болғанын, реферидің шайқасты мерзімінен бұрын тоқтатқанын айтып шағынды.
Спортшылар жекпе-жектен кейін есе қайтару кездесуін өткізу жөнінде келісімге келді. Ол енді толық МММ ережелері бойынша өткізілетін болады.
