USD
МӘСКЕУ. 23 мамыр. Соғыстан қашып, шетел асқан ресейліктер Путин режимін сынағандары үшін айыппұл жазасын алумен бірге барлық мал-мүліктерінен айырылады. Бұл туралы The Moscow Times ақпарына сүйенген rast.kz хабарлайды.
Ресейден кетіп қалған қашқындарға қанша мөлшерде айыппұл салынғанына қарамастан, олардың әртүрлі мүліктері қамауға алынады. Мемлекеттік думаның мемлекеттік құрылыс және заңнама жөніндегі комитеті тиісті заң жобасының екінші оқылымына осындай түзету енгізуді мақұлдады. Осыған сәйкес, тыйым салынған мүліктің құны айыппұл мөлшерінен аспауы керек деген норма саяси баптар бойынша сотталған релоканттардан алынып тасталады. Мұндай жазаға тартылғандар арасында Ресей Федерациясы Қарулы күштерінің «беделін түсіру», «қалаусыз ұйымдарға» қатысу, «иноагент» қызметінің тәртібін бұзу, санкцияларға шақыру секілді баптар бойынша жаза алғандар бар.
Депутаттар тиісті түзетулерді Әкімшілік құқықтары кодексінің мүлікке тыйым салуды реттейтін 27.20-бапты енгізуді ұсынады. 2024 жылы Дума енгізген жобаның бастапқы нұсқасында бұл норма болған жоқ. Енді түзетулер бекітілгеннен кейін соттар шетелдегі ресейліктердің мүкәмалдарын миллиондаған рубльге, тіпті айыппұл сомасы бірнеше есе төмен болса да, тәркілей алады.
