USD
МӘСКЕУ. 4 шілде. Ресей диктаторы Владимир Путин Украина одақтастары арасындағы соғысты жалғастырудың негізгі арандатушыларын анықтауды тапсырды. Бұл туралы The Moscow Times ақпарына сүйенген rast.kz хабарлайды.
Владимир Путин әскерилермен кездесу кезінде Киевтің одақтастары ішіндегі соғыстың жалғасы түсуіне «үлес» қосып жүргендерді анықтап, талдау жасауды тапсырды. Ол мұның сосын осыған орай «қайтарма шешімдер» қабылдау үшін керек болатынын айтты.
«Ұрыс қимылдарының созыла түсуін көксейтін кез келген адам Ресейдің жауы. Сондықтан әрбір арандатушының нақты ұрыс қимылдарына қаншалықты қатыстары болғанына нақты талдаулар жүргізілуі тиіс. Бұл талдау бізге болашақта қайтарма жауап қабылдау үшін қажет болады. Қалай болғанда да, бұл бізге қажет болуы мүмкін», – деді Путин.
Ресей президенті өзінің ұстанымын түсіндіре отырып, Еуропа одағы елдері бірқатар лидерлерінің 2026 жылғы 7 маусымдағы бірлескен мәлімдемесіне сілтеме жасады. Оның айтуынша, Украинаның ұшқышсыз технологияларды «жаңашыл» қолдануы құпталған. Сосын бұған дейін «біздің азаматтық нысандарға, азаматтық инфрақұрылымға, бейбіт тұрғындар және балалар мінген көліктерге, студенттік жатақханаларға» соққылар берілгенін қолдау сондай ниетті білдіре ме, жоқ па деген «таза риторикалық сұрақ» қойғанын мәлімдеді. «Бұларды Еуропа елдерінің басшылары қолдады», деді содан соң.
