USD
ЛОНДОН. 16 мамыр. Британдық маман Тейлор О`Хиггинс Ташкентте 48 келіге дейінгі салмақта чемпион атанған Санжар Тәшкенбайды «таңғажайып талант» деп атады. Бұл туралы Vesti.kz ақпарына сілтеме жасаған rast.kz хабарлайды.
«Британдық бокс шолушысы Тейлор О’Хиггинс 2023 жылғы әлем чемпионатының Қазақстаннан шыққан су жаңа чемпионы Санжар Тәшкенбайдың келешегін жоғары бағалады», – делінген спорт порталының хабарламасында.
«48 келіге дейінгі салмақ дәрежесіндегі 20 жасар қазақстандық Санжар Тәшкенбай Ташкенттегі финалда Еуропаның қазіргі чемпионы, грузин Сахил Алахвердовиді төрешілердің бір ауызды шешімімен айқын ұтып, әлемнің чемпионы атанды. Өкініштісі, Тәшкенбай төменгі салмақта жүргенінде өзі еңбек сіңірген мақтауды ала алмайды, бірақ өзін білетіндер үшін ол – аса көрнекті талант. Оның соңғы түйінді хукы дәл қазірдің өзінде әуесқойлар боксындағы ең үздік соққылардың бірі болуы мүмкін», – деп жазды О`Хиггинс Twitter-дегі парақшасында.
Санжар Тәшкенбай 2022 жылы 19 жасында Азияның чемпионы болған, өткен жылы тағы жастар арасында әлем чемпионы атағын жеңіп алған.
IBA финалда Қазақстанның Өзбекстаннан басым болғанын атап өтті. Есеп – 2:1.
Еске сала кетейік, жаһандық жарыста 4 алтын, 1 күміс медаль жеңіп алған Қазақстан ресми емес командалық есепте екінщі орынға орналасты. Команда қоржынына алтын медальдарды Санжар Тәшкенбайдан бөлек, Махмуд Сабырхан, Асланбек Шымбергенов және Нұрбек Оралбай, күміс медальды Дулат Бекбауов түсірді.
https://youtu.be/7EWB_GCSA6k
