Мурманскілік студент соғысқа қарсы болғаны үшін 15 жылға сотталды

МӘСКЕУ. 1 маусым. Мурманск студенті отарсыздандыру туралы естеліктері бар «Азат Лапландия» телеграм арнасы үшін 15 жылға түрмеге отырғызылды. Бұл туралы The Moscow Times ақпарына сүйенген rast.kz хабарлайды

Солтүстік Әскери-теңіз соты Мурманск Арктика университетінің 23 жастағы студенті Рафаэль Мамедовты отарсыздандыру туралы мемдер, аймақ тарихындағы фактілер және биліктің сыны жарияланатынн телеграм-арнасына байланысты жазаға тартып, 15 жылға бас бостандығынан айыру туралы үкім шығарды. Тергеу мәліметтері бойынша, бұл материалдар Ресейге «зиян келтірген». Мамедов мемлекеттік опасыздық жасағаны және террористік ұйымға қатысқаны үшін кінәлі деп танылды. Ол алғашқы үш жылын түрмеде, ал қалған мерзімін қатаң режимдегі колонияда өткізеді.

Біз 300 жазылушысы бар «Азат Лапландия» телеграм-арнасы туралы айтып отырмыз, ол «террористік» тізімде «Белгород Халық Республикасымен» тең «азат мемлекеттері форумының» құрылымдық бөлімшесінің ресурсы ретінде танылды. Ал шын мәнінде мұндай қозғалыс жоқ.

Мамедов 2025 жылдың мамырында ұсталды. Жауап алу кезінде ол Украинадағы соғысқа қарсы екенін мәлімдеді. Сондықтан жас жігіт алдымен террористік ұйымға қатысып, содан кейін мемлекетке опасыздық жасады деп айыпталды. Мамедов кінәні мойындамады. Ұсталғаннан кейін ол екі рет өзін-өзі өлтірмек болған.

Студентті қолдау тобы оның ешқашан терроризм мен зорлық-зомбылыққа шақыру жарияламағанын, тек Ресейдің солтүстік-батыс аймақтарындағы халықтардың мәдени бірегейлігін сақтау қажеттілігі туралы және Солтүстік Еуропа елдерімен одақтасуды жақтағанын айтты.

«Мемориал» Мамедовты саяси тұтқын деп жариялады.