USD
МӘСКЕУ. 25 мамыр. Ресей тергеу комитеті Курск облысында мародерлік жасаған РФ әскерлерінің үстінен қылмыстық іс қозғады. Бұл туралы DW ақпарына сүйенген rast.kz хабарлайды.
РФ тергеу комитеті Курск облысына басып кірген Украина Қарулы күштеріне қарсы тұруға қатысқан өз әскерлерінің жергілікті тұрғындарға қатысты жасаған қылмыстық істерін тексеруге кірісті.
Өзінің мәнбесіне сүйенген ресейлік «Коммерсантъ» газетінің жазуынша, тергеу комитеті ресейлік әскерилердің ұрыс қимылдары жүріп жатқан жерлерде, нақты жағдайда, РФ-ның Курск облысының жерінде мародерлік жасау үшін арнайы қарақшылар тобын жасақтап алған.
«Тергеудің мәліметіне сәйкес, әскерилердің есебінде ұрыс қимылдары жүрген жерлерде аса қатыгездікпен кісі өлтірумен қатар, тонаушылықпен айналысып келген», – делінген жарияланымда.
Оқиғаны зерттеуші адвокаттардың бірі журналистерге әңгіменің РФ-ның Курск облысына басып кірген Украина Қарулы күштерінің шабуылын қайтару жолындағы ұрыс қимылдарына тікелей қатысқан штурмовиктер бөлімшелері жайында болып отырғанын айтты. Мәнбенің айтуынша, тергеуге олардың әрекеттерімен келіспей, жанжалдасып қалған қаруластарының бірін өлтіріп тастағандары да қамтылуда.
Тергеу фигуранттарының бірі – әскери қызметкер Михаил Осипов. Курск гарнизоны әскери сотының құжаттарынан журналистер Осиповтың басқа қаруластары тобымен бірге аса қатыгездікпен кісі өлтіруге, қарақшылыққа және мародерлікке қатысқаны белгілі болды. «Коммерсантъ» мәнбесі мәлім еткендей, бұл қылмыстық іс бойынша барлығы бес адам тергеуге тартылған. Олардың тағы бірі Александр Лисунов деп аталады. Жарияланымға қарағанда, ол кісі өлтіруге себепкер болғаны үшін қамалған. Мұның бәрін олар Ресейдің Курск облысында тұратын тұрғындарға қатысты жасаған.
