USD
МӘСКЕУ. 21 тамыз. Ресей армиясының жоғары лауазымды қызметкерлері Мәскеу мэрі Сергей Собянинге күзде ел байтағына күн сайын 2 мың дрон мен зымырандар шабуылы жүретінін жеткізді. Бұл туралы «Кремлевская табакерка» ақпарына сілтеме жасаған rast.kz хабарлайды.
Әскерилердің Собянинге күзде Мәскеуге күніне 2 мыңға дейін ұшқышсыз ұшақтар мен зымырандар шабуыл жасайтынын ескерткенін мэрдің айналасында жүрген мәнбелер жеткізген.
«Сіздер Сергей Семеновичтің сөздерінен бірер күн алдын Мәскеу өңіріне 600 ұшқышсыз ұшақ аппаратының ұшып келгенін білесіздер. Өкінішке қарай, бұдан бұрын біздің мэр болжаған жайттардың бәрі біртіндеп келіп жатыр. Біздің бас қалаға осы күзге қарай-ақ бір мезгілде 2 мыңға жуық дрон мен зымыран ұшып келетіні айтылып жатыр. Әскерилер мұны бірнеше рет ескертті», – деді телеарна әңгімешісі.
Ол бұл ақпарды әдейі ашықтан ашық жеткізіп отырғанын атап көрсетті. Себебі, «арнайы соғыс операциясы (СВО) жөнінде шешім қабылдайтын уақыт келді, әйтпесе, ел байтағы бұл соққыларға шыдас бере алмайды».
Кремльдегі мәнбе сонымен қатар: «Собянин үрейге беріліп жатыр, себебі Мәскеу мен Мәскеу маңы инфрақұрылымына жасалатын шабуылдан қорқады. Сол себепті СВО-ны тезірек аяқтау керек дегенге қайта-қайта ишара білдіреді. Кейде тіпті өзі сенетін адамдармен әңгімеде мұны ашық айтады. Мен мұны жай ышқыну деп есептеймін. Тіпті егер 2 мың ұшқышсыз ұшақ астананы соққының астына алса да, жағдай қолайсыз болғанымен, біз оған шыдас береміз. Біз оның үстіне, Владимир Владимировичті қауіп-қатерден қорғайтын шешімдерді қабылдап қойғанбыз», – деді мәнбе.
