Белград: Қазақстандық екі боксшы да жеңіске жетті

БЕЛГРАД. 28 қазан. Белградта өтіп жатқан әлем чемпионатының кешкі сессиясында өнер көрсеткен екі боксшымыз да жеңіске жетті. Бұл туралы rast.kz хабарлады.

Іріктеу турнирінің 1/16 финалдық кезеңі келіп жетті.

Алдымен рингке көтерілген 57 кг салмақтағы Серік Теміржанов Азияның жастар арасындағы 2019 жылғы чемпионы, әлемнің жастар арасындағы 2021 жылғы чемпионы жапон Рейто Цуцумиді айқын басымдықпен ұтты – 5:0. Ол бір рет жас қарсыласын нокдаунға да жіберді.

Бұдан кейін 67 кг салмақтағы Абылайхан Жүсіпов венесуэлалық Кристиан Паласионы тап осындай есеппен ұтты.

Екі боксшымыз да бәсекелестерінен сенімді көрінді.