USD
МЕХИКО. 6 шілде. Англия құрамасы 2026 жылғы әлем чемпионатының 1/8 финалында азшылық құраммен Мексика құрамасын 3:2 есебімен жеңіп, ширек финалға жолдама алды. Бұл туралы «Советский спорт» ақпарына сілтеме жасаған rast.kz хабарлайды.
Мексикалық жанкүйерлер Санта-Фе аймағындағы мейманханада ағылшындарды дұшпандықпен қарсы алды. Алайда қонақтарды қалқандары бар 300 полицей кордоны қорғап қалды. Күштік құрылым сарбаздары фанаттарды тұрғын үй ғимараттарынан 500 метр жерге дейін қуып шықты.
Матч ұйытқып соққан дауылдан кейін мерзімінен бір сағат кеш басталды. Оның кейінгі қалдырылуы да мүмкін еді.
Дегенмен кешігіп келеге келген ойын плей-оффтағы ең маңызды жекпе-жектердің біріне айналды. Өте тартысты өткен кездесуде бес гол соғылды, екі пенальти белгіленді, бір футболшы алаңнан қуылды. Матч соңына дейін тартыспен өтті, ол соңғы ысқырыққа дейін ессіз шиеленіс үстінде өрбіді.
Кездесудің 36-минутында ағылшындардың жартылай қорғаушысы Джуд Беллингем есеп ашты. Ол 2 минуттан кейін екінші голын соқты. Ал 42-минутта Мексика құрамасының шабуылшысы Джулиан Киньонес қарымта гол салып, есепті қысқартты.
54-минутта ағылшын командасының қорғаушысы Джарелл Куанс алаңнан қуылды. 60-минутта шабуылшы ағылгын Харри Кейн пенальтиден Мексика қақпасына гол салып, есепті 3:1-ге жеткізді. Бұдан кейін, 69-минутта Кейннің өзі өз айып алаңында тәртіп бұзып, пенальти белгіленуіне себепші болды. Оны Рауль Хименес тиімді пайдаланып, түпкі есепті 3:2-ге апарып тоқтатты.
Енді 1/4 финалда Англия құрамасы Норвегия құрамасымен ойнайды. Бұл матч 11 шілде күні Астана уақытымен сағат 05:00-де ойналады.
