USD
ТАЛЛИНН. 15 ақпан. Эстония Сыртқы істер министрі Маргус Цахкна егер өз елдеріне Ресей басып кірер болса, соғысты бірден РФ территориясына көшіретіндерін айтты. Бұл туралы DW ақпарына сүйенген rast.kz хабарлайды.
«Эстония – Еуропа елдерінің барынша осалы» деген тұжырым тура емес. Бұл – фейкньюс», – деді министр «Неміс толқыны» (DW) радиосына берген сұхбатында. «Біз өзіміздің не істейтінімізді жақсы білеміз. Біз Ресейдің ықтимал басып кірушілігне дайынбыз және агрессияны тоқтату деңгейіміз өте жоғары», – деді Маргус Цахкна сосын.
Сыртқы істер министрі тілші сұрағына жауап бере тұрып, Ресейдің басып кіруі ықтимал елдері қатарында Эстония бар екенін айтты. Ол картаға қарап тұрып, мұның «қисынға соғатынын» баяндады. «Бірақ біз нақты өмірде өз мүмкіндіктерімізді айтарлықтай арттырып келеміз. Мен қазір НАТО бұрынғы кездегіден күштірек деп ойлаймын. Бізде бүгінде қорғанудың жаңа жоспарлары бар, бұл біздің құр күтіп отырмағанымызды білдіреді. Егер Ресей біздің территориямызға басып кірер болса, біз қарсылық көрсетуді бастап, соғысты Ресейдің территориясына қарай аударамыз», – деп ескертті эстон министрі.
Бұл контексте оны «саяси ерік-жігердің» алаңдататыны байқалады. «Бізді Еуропа алаңдатады, ол шешім қабылдауға, бұдан да күшті болуға дайын ба, – сол белгісіз», – деді ол тағы.
Эстония Сыртқы істер министрлігінің басшысы Ресей президенті Владимир Путинмен әлдеқандай бір жоспарсыз келіссөз жүргізудің өзі қателік дегенге тоқталды. «Біз Еуропада бірнеше ондаған жылдар бойы осындай саясат ұстанып келеміз. Нәтижесі – соғыс көбейді, Ресейдің агрессиясы арта түсті. Сондықтан Еуропа Одағы үшін қазір әлдеқандай бір арнайы елшіні іздей бастау, оны Кремльге аттандыру – барынша дұрыс емес нәрсе, өйткені ол босқа қорланып қайтады, сондай-ақ Украинаның позициясын әлсіретеді», – деді Цахкна соңынан.
.
