USD
БРЮССЕЛЬ. 22 шілде. Батыстың Украинаға әскери көмегі мен Путин армиясының соғыстағы сәтсіздіктері ғана Кремльді келіссөз үстеліне отыруға кіріптар етеді. Бұл туралы Dialog.ua ақпарына сүйенген rast.kz хабарлайды.
Осы аптада Украина мен Ресей тараптары арасындағы келіссөздердің үшінші раунды Түркияда өтеді. Алайда Путин бітімгершілік келісімін жасауға немесе бітімге келуге рұқсат беруге асығып отырған жоқ. Демек, ол бұл жолы мұны көз алдау ретінде өткізіп, уақытты соза түсуді ғана көздейді.
Соғысты зерттеу институтының (ISW) сарапшылары Путинді келіссөз үстеліне отыруға қалай мәжбүрлеу керектігі хақында өз пікірлерін білдірді.
Кеше Ұлыбритания қорғаныс министрі Джон Хили Украина қорғанысы жөніндегі байланыс тобының отырысында Киевті қаруландыру үшін «50 күндік науқан» жариялады.
Ол сондай-ақ Батысты Путинге келіссөз үстеліне отыру үшін қысым көрсетуге шақырды. Бұған қоса, байланыс тобын Путин 14 шілдеден бастап 50 күн ішінде келіссөздер үстеліне отырмаса, Ресейдің одақтастарына қарсы тауарларға 100 пайыз салық салуға үндеді.
ISW сарапшылары Путинді тек оның армиясының ұрыс даласындағы ірі сәтсіздіктері аясында ғана келіссөз үстеліне отырғызуға мәжбүр ете алатынына сенімді. Осы уақыттың бәрінде Батыс қол қусырып отырмай, Украинаға дер кезінде және жеткілікті көлемде әскери көмек көрсетуі керек.
Путинді келіссөзге мәжбүрлеу үшін Украинаға бірнеше апта емес, бірнеше ай және бірнеше маусымдық әскери жорықтар қажет болады. Осы уақыт ішінде Батыс Украинамен, әсіресе әскери көмек мәселесінде бірігуі керек.
Сарапшылар Путиннің Түркиядағы келіссөздердің үшінші раундына тарихшы Мединский бастаған сол делегацияны жіберіп жатқанына да назар аударды. Бұл Кремльдің бейбіт келіссөздерге мүдделі еместігін ғана көрсетеді.
