USD
МАХАЧҚАЛА. 23 маусым. Ресейдің Дағыстан республикасының екі қаласында қарулы қақтығыстар орын алды. Бұл туралы Ресей пабликтерінің деректеріне сүйенген rast.kz хабарлайды.
Атыс сондай-ақ Сакартвелоның РФ армиясы басып алған территориясының жанынан өтетін шекара бойында да орын алған.
«Жексенбі, 23 маусым күні Дағыстанның екі қаласында қарулы шабуыл жасалды: Дербентте белгісіз біреулер православие храмы мен синагоганы өртеп жіберсе, Махачқалада жол полициясының бекетін атқылаған.
Ресей пабликтерінің хабарлауынша, Дербентте шіркеуге шабуыл жасаушылар протоирей мен күзетшіні өлтірген.
Осы аралықта желіде Махачқаладағы атыс түсірілген кадрлар жарияланды. Шабуылдаушылар жол-патруль қызметінің бекетіне оқ жаудырған, соның салдарынан 6 полицей қаза тауып, 12-сі әртүрлі жарақат алған.
Кейін шабуылдаушылардың екеуі жойып жіберілгені, тағы екеуінің ұсталғаны айтылды. Бірақ соған қарамастан, қалада әлі атыс тоқтаған жоқ.
Келіп түсіп жатқан ақпарға қарағанда, атысты ұйымдастырушылардың бәрі мұртсыз сақалды, шолақ шалбарлы діңкештер көрінеді.
РФ тергеу комитеті «террорлық акт» бабы бойынша қылмыстық іс қозғады.
Бұдан бөлек, мойындалмаған Абхазия (РФ басып алған) республикасының шекарасында орын алған атыста қаза тапқандар мен жараланғандар бар екені белгілі болды.
