USD
БЕЙЖІҢ. 27 сәуір. АҚШ Мемлекеттік хатшысы Энтони Блинкен Ресейге тауар жеткізіп беруін тоқтатпаса, Қытайға ауыр санкциялар салатындарын айтып қорқытты. Бұл туралы The Moscow News ақпарына сүйенген rast.kz хабарлайды.
Құрама Штаттаржың Мемлекеттік хатшысы мұны кеше Қытай лидері Щи Жиңпиңмен кездесуі барысында жеткізді.
«АҚШ Мемлекеттік хатшысы Энтони Блинкен Қытай басшылығын Ресейге тауар жеткізіп беруін тоқтатпай, оның «өнеркәсіп базасын қалпына келтіріп алуына» мүмкіндік әперетін болса, санкция салынатынын айтып қорқытты», – деп жазды Politico.
Мемлекеттік хатшы Жөңгеге сапары шеңберінде ҚХР басшысы Щи Жиңпиңмен және Қытай сыртқы істер министрі Ван И мырзамен кездесті. Блинкен кездесулер барысында Бейжіңнің Мәскеуді қолдауды тоқтатудан бас тартып отырғанына президент Джо Байден әкімшілігінің «төзімі таусылып келе жатқанын» жеткізді.
Мемлекеттік хатшы сондай-ақ Қытайдың РФ-ға қосарланған мақсаттағы тауарларды жеткізу арқылы «Ресейдің Еуропа елдеріне төнген қатердің» артып келе жатқанын айтты.
«Біз Қытайдың 100-ден астам кәсіпорнына қатысты санкция енгізіп қойдық… Біз қосымша шаралар қолдануға толық дайынбыз», – деп атап өтті Блинкен.
Құрама Штаттар өкілі Қытайдың сырттан алған тауарларын Ресейге қарай жіберу арқылы Мәскеу әскери өнеркәсібін қайта күшейтіп, Украинаға қарсы басқыншылық соғысын жалғастыра беретініне назар аударды. Енді мұның қадамына толық тұсау салу керек.
Ол бұл жолғының соңғы ескерту екенін еске салып өтті.
Америка дипломатиясының шефі Қытай лидерімен кездесуден кейін баспасөз үшін арнайы мәлімдеме жасады. Онда Блинкен Құрама Штаттардың бұл тұрғыдағы бағыты айқын да шешімтал екені баяндалды.
«Егер Бейжің бұл проблеманы шешу жолында ешқандай әрекет жасамайтын болса, оны Уашингтон өзі жасайтын болады», – деді Мемлекеттік хатшы.
