USD
БЕЙЖІҢ.14 шілде. Қытай Путиннің Ресейдегі билік басынан кетуі мен биліктің ауысу ықтималдылығына астыртын дайындық жүргізуге кірісіп кетті. Бұл туралы The Moscow Times ақпарына сүйенген rast.kz хабарлайды.
Владимир Путин батыспен байланысын үзгеннен кейін бұрынан кіріптар болып отырған Ресей толығымен Қытайдың жасы кіші серіктесіне айналды. Енді Бейжің Мәскеуді жариялы түрде емес сипатта және аса сақтықпен өз пайдасына қарай икемдеп, бірақ сенімді екпінде басқаратын болады.
«Бұдан бөлек, Бейжің бұрынғыдай Путинмен және оның жақын шеңберімен шектеліп қалмай, Ресейдің билеуші элитасымен де үнсіз қарым-қатынас жасаудың жолдарын реттестіреді», – деп жазады The Wall Street Journal екі елдің шенеуніктерімен және сарапшылармен әңгімелесу нәтижелері жөнінде.
«Қытайлықтар Путин кеткеннен кейін Ресейдің болашағын анықтайтын шенеуніктермен және элита өкілдерімен байланысты нығайтады», – деп атап өтті WSJ.
Елде шенеуніктердің орта буыны арасында қытайлық тыңшылықтың арбауына түсіп қалып, сол жақтың мүддесіне жұмыс істеп жатқандар жиі анықталып тұр, бірақ Мәскеу екі арадағы қарым-қатынасты нашарлатып алудан қорқып, бұл ақпаратты жария етуге немесе оны Бейжіңмен талқылауға асығар емес.
Бейжің сақтықпен, бірақ табандылықпен Мәскеуді он жылдан астам уақытқа созылатын қатынастар мен құрылымдарды қалыптастыра отырып, өзінің мүддесі үшін әрекет етуге мәжбүрлейді. Путиннің «жақын шетелдегі» жағдайға – бұрынғы КСРО елдеріне әсер ету әрекеттеріне қандай құлшыныспен қарайтыны белгілі, ол әлі күнге дейін бұл өңірді тек Ресейдің еншілес саласы деп санайды. Оның Украинаға басып кіруіне де негізінен осы жағдай себеп болды.
Алайда Путин қанша қиналса да, Қытайдың Орталық Азияға ықпалы күшейе түсуіне қарсы ештеңе істей алмай отыр.
