USD
СЕВАСТОПОЛЬ. 10 наурыз. Ресейдің Қара теңіз флоты бір айдың ішінде екі ірі кемесін жоғалтқасын теңіздегі белсенділігін күрт төмендетіп жіберді. Бұл туралы «Неміс толқыны» (DW) ақпарына сүйенген rast.kz хабарлайды.
«Ресейдің әскери кемелері «Сергей Котов» корветінен айырылып қалғаннан кейін бес тәуліктен бері Қара теңіз айдынында кезекшілік өткізуге шықпай қалды», – деп жазды алман мәтбұғаты.
Украина әскерилерінің мәліметінше, жексенбі күні Қара теңіз акваториясында Ресей әскери-теңіз флотының бірде-бір кораблі болмаған. Осы мезгілде оның Жерорта теңізінде – үш, Азау теңізінде бір кемесі тұрған. Осыдан бір күн бұрын Украинаның оңтүстіктегі қорғаныс күштері Ресейдің ракета тасушы кемелерінің базалық бекеттерінде 20 күннен бері қозғалмай тұрғанын мәлімдеген еді.
Наурыздың 5-не қараған түні Украина Қорғаныс министрлігі бас барлау басқармасының арнайы жасағы Қара теңіз флотының «Сергей Котов» атты ең жаңа патрульдік кемесін жойып жіберді. Жалпы, Ресей екі жылдық соғыс мәурітінде 20-дан астам ірілі-ұсақты кемелерінен айырылып қалды. Соғысқа дейін оның құрамынла 74 соғыс кемесі бар-тын.
