Путин сұхбатының Мәскеу телеэфиріндегі рейтингісі төмен болып шықты
МӘСКЕУ. 13 ақпан. Ресей президентінің америкалық журналист Такер Карлсонға берген сұхбатына мәскеулік телекөрермендер буырқанған қызығушық таныта қоймады. Бұл туралы The Moscow News ақпарына сүйенген rast.kz хабарлайды.
Кеңінен жарнамаланған сұхбат, Кремль атап көрсеткендей, күллі әлем құныға қарап тыңдағанмен, Ресей астанасында телебағдарламалардың апта ішіндегі алғашқы үздік ондығына да кіре алмай қалды. Mediascope хабарлағандай, Путиннің сұхбаты бүкіл аудиторияның 3,2 пайыздық рейтингісіне жетіп, 11-орыннан аса алмаған. Ол «Склифосовский 11» сериалы (2-орын, рейтинг 5,6%) мен «Своя игра» телевикторинасынан (10-орын, рейтинг 3,2%) қалып қойды.
Путиннің сұхбаты 11 ақпанда НТВ телеарнасында көрсетілген Ксения Собчак туралы деректі фильмнің де шаңына ілесе алмай қалды.
Қандықол диктатор қазіргі қырғын соғысы үшін тағы да өзін «алдап кеткен», «мұрнынан сүйрелеп келген» Батысты айыптады. Олар НАТО-ны шығысқа қарай жылжытпаймыз деп жүріп, оның шегін Украинаға әкел қоймақшы болыпты-мыс. Сөзінің көбі осындай бұрқылдаған әңгіме мен надан адамның тарихтан кіл жалғандыққа құрылған дәріс оқуына арналып кетті.
