USD
АСТАНА. 28 қаңтар. Қазақстан ұлттық қауіпсіздік комитетінің өкілеттілігі ұлғаяды, сонымен бірге ол экс-президент Нұрсұлтан Назарбаевты күзету міндетінен босатылады. Бұл туралы ҚазТАГ ақпарына сілтеме жасаған rast,kz хабарлайды.
Ұлттық қауіпсіздік комитетінің қызметін кең ауқымды үлкен реформа күтіп тұр.
Осының алғашқы баспалдағы ретінде оның қызметкерлері бұдан былай байырғы президенттің өзі мен отбасын күзетуді түпкілікті тоқтатады. Демек, ол тұрып жатқан үйде ешқандай мемлекеттік күзет болмайды.
Мұның есесіне, комитеттің құзырына жататын міндеттер мен қызмет мөлшері едәуір ұлғая түседі.
Енді комитет қызметінің шеңберіне ақпараттық жүйелер мен электронды ақпарат ресурстарын, арнайы техникалық құралдарды, байланыс жүйесін, арнайы бағыттағы телекоммуникация жүйесін, мәліметтер беру жүйесін, ақпараттың техникалық арналардан тарап кету және оларды бағдарламамен қамтамасыз ету, қаруландыру және жарақтандыру, шифрлы және шифрден тыс жұмыстарды ұйымдастыру құралдарын талдау, жасау, қол жеткізу, пайдалану және қолдану секілді өкілдіктер қосылады. Комитет осы мақсатта меншік нысанына қарамастан, Қазақстан Республикасының ұйымдарымен, арнайы қызметтерімен және шет мемлекеттердің ұйымдарымен келіссөз, контракт жасаса алады.
