USD
МӘСКЕУ. 16 желтоқсан. Ресей үкіметі алкоголды пайдалануды 2030 жылға дейін қысқарту тұжырымдамасын бекітті. Бұл туралы The Moscow News дерегіне сүйенген rast.kz хабарлайды.
Денсаулық сақтау министрлігінің баспасөз қызметі осындай тұжырымдаманың 2009 жылы да қабылданғанын айтып отыр. Демек, одан ешқандай нәтиже шықпаған.
Жаңа мизамға сай, ресейліктерге 2030 жылға қарай орта есеппен жылына 7,8 лит этанол ішу ұсынылады. Бұл – әрбір адамның үлесіне айына үш «жартылықтан» сәл артық келеді деген сөз. Ал қазіргі таңда Ресейде әрбір адам жылына 8,9 литр этанол, яғни жылына 44,5 бөтелке, айына 4 бөтелкеге жуық арақ «сіміріп» тұрады екен.
«2030 жылға дейінгі тұжырымдама саламатты өмір салтының құндылықтарын нығайта түсетін болады», – деп хабарлады баспасөз қызметі. Осыған байланысты министрлік адамды араққа тәуелділіктен ажырататын шаралар ойластырып жатыр.
