USD
МӘСКЕУ. 16 қыркүйек. РФ-ның Шешенстандағы басшысы Рамзан Кадыров бүйректері трансплантатты қабылдамағаннан кейін күрт сұлқ түсіп, жағдайы нашарлай түсті. Бұл туралы The Moscow News дерегіне сүйенген rast.kz хабарлайды.
Ресейлік оппозиционер Геннадий Гудков соңғы кездері Рамзан Кадыровтың бүйрегі ауыратынына байланысты көп зардап шегіп жүргенін айтты.
Жақында шешендер лидерінің бүйрегіне операция жасалды, бірақ ота сәтсіз шықты.
Ресейлік оппозиционер, мемлекеттік думаның бұрынғы депутаты Геннадий Гудков 14 қыркүйекте Шешенстандағы мәнбесіне сүйене отырып, осындай ақпар таратты.
Мәліметке қарағанда, Кадыровтың проблемасы күшті болғаны сондай, оның бүйрегіне трансплантат жасау керек етілген. Алайда, деректерге сай, ота дұрыс шықпаған, содан кейін трансплантатты бүйрек қабылдамағаны байқалған.
Кадыровтың денсаулығы күрт нашарлап кеткені жайлы қауесет 2023 жылғы көктемде естілді. Оның ауруы асқынғанын сыртқы тұрқы да бірден аңғартқан: қатты толысқан және бет-аузы салбырап кеткен. Бүйрек ауруы екені туралы болжам бірден айтылды. Сонда мәселенің бәрі оның уланып қалғанынан болғаны сөз етілді.
Мәнбе атап көрсеткендей, Шешенстан басшысы кейінгі кездері емделу мақсатымен шетелдерде көбірек жүрген.
Бұдан бұрын Ресейде Кадыровтың кеселіне байланысты Шешенстан денсаулық сақтау министрінің кенет үшті-күйлі жоқ болып кеткені жайлы қауесет тараған. Мәнбелер оның республика басшысының бұйрығымен аяусыз өлтірілген болуы мүмкін дегенді айтып отыр.
