USD
БЕОГРАД. 28 сәуір. Сербия билігі Рамзан Кадыровтың жиенін 5 күннен соң азаматтықтан шығарып тастады. Бұл туралы The Moscow Times ақпарына сүйенген rast.kz хабарлайды.
Сербия үкіметі Шешенстан басшысы Рамзан Кадыровтың жиені Якуб Закриевтің азаматтығын бар болғаны бес күн өткеннен кейін қайта жойып жіберді. Осыған қатысты шешімге Сербия премьер-министрі Джуро Мацут қол қойды.
Сербтің N1 газеті жазғандай, азаматтықты жою жөніндегі шешімде Закриевтің ұлттық қауіпсіздікке төндіретін ықтимал қатері жайында айтылған. Ал азаматтық оған басында «Сербия Республикасының мүддесі үшін» берілгені атап өтілген болатын.
Якуб (Ибрагим) Закриев – Рамзан Кадыровтың ең үлкен әпшесі Зулайдың ұлы. Ол 2018 жылы 27 жасында Грозный қаласының мэрі болып тағайындалған. 2020 жылы ақпанда республика лидері мен үкіметі әкімшілігінің басшысы болды. Содан кейін үкімет басшысының орынбасары және ауыл шаруашылығы министрі болып бекітілді.
2023 жылы шілдеде Закриев Danone компаниясының ресейлік бөлімшесінің президенті деген лауазым алды. Ол бұл қызметке Ресей президенті Владимир Путин француздың Danone концернінің акцияларын Росимуществоға уақытша басқаруға беру туралы жарлық шығарғаннан кейін барды. Осыдан кейін көп ұзамай ресейлік Danone кенет «Эйч энд Эн» акционерлік қоғамына айналып кетті. Артынша оның жеке тұлғаларға сатылғаны жайлы сөз қозғалды. Мәтбұғат мәліметінше, концерн активі «50-ге 50» форматымен Кадыровтың жиені және Татарстанның «Вамин» сүт холдингі арасында бөліске түсуге тиіс болған.
Закриевтің жоғары экономикалық білімі бар, ол МГУ-дің мемлекеттік аудиті жоғары мектебін бітірген.
Рамзан Кадыров жиенінің «Логика молока» компаниясы (бұрынғы «Данон Россия») Новосібірдің «Полярис» балмұздақ фабрикасын сатып алған. Бұл Шешенстан басшысы төңірегіндегі адамдар егелік етіп жүрген13-ші фирма болып отыр.
