USD
МӘСКЕУ. 26 тамыз. Кремль саясаттанушысы Сергей Марков Ресей Федерациясының бұдан былай ұлы держава қалпында қала алмайтынын мойындады. . Бұл туралы The Moscow News ақпарына сүйенген rast.kz хабарлайды.
РФ ұшырған «Луна-25» ай станциясы құлап түсіп, Жер серігінің жоғарғы қабатында жарылды. Бұл Ресей ғарышының келешегіне берілген өте қатты соққы болды.
«Луна-25» станциясы апатының зардаптары орасан зор. Ең алдымен Ресей әлем қауымдастығының көз алдында масқара болып қалды. Бұдан кейін оның «ұлы держава» екеніне күмән келтіретіндер көбейе береді. Кремльдің «жұмыртқаның ақ уызы мен сары уызын» ажыратып беріп, мәпелеп ұстап отырған жалдамалы саясаттанушысы Сергей Марков «Роскосмостың» соңғы жаңалықтарына шолу жасай келгенде, амалсыздан (не күйініп кеткеннен) осыны айтты.
«Ресейдің бұрын ұлы держава болғанына ешкім дауласпайды. Бірақ Ресей қазір ұлы держава ма? Ресейдің өзі әлі солай екенін айтады да, Украинаға әскерін аттандырады, «Луна-25»-ін ұшырады. Ал АҚШ пен ЕО бұған «жоқ» деп жауап береді. Кімдікі дұрыс? Украинада жеңіс болып жатқан жоқ. Ал «Луна-25» күйреп жанып кетті», – деді ол өз ләмінде.
Пропагандистің бағалауынша, енді Кремльдің қолынан космосты бағындыру да, Украинада жеңіске жету де келмейді, себебі, Ресей бүгінгі қарапайым күнімен емес, өткендегі ұлылығы жөніндегі қиялымен өмір сүріп отыр.
Бұдан бұрын, 19 тамызда Ресейдің планетааралық автоматты «Луна-25» станциясында оқыс оқиға орын алғаны хабарларған еді.
Осы күндері Үндістан да Айға өз станциясын ұшырды. Ол сонда аман-есен қонып, жұмыс жасап жатыр. Демек, Ресейден Үндістан да басып озып кетті.
