Жаңалықтар жаңғырығыҚұқық

«Үңгірдің» атышулы авторының үстінен қылмыстық іс қозғалып жатыр

АСТАНА. 2 маусым. Сыбайлас жемқорлыққа қарсы күрес қызметі Мәдениет және спорт министрлігінің лауазымды қызметкерлеріне қатысты бірнеше қылмыстық іс қозғады. Бұл туралы ҚазТАГ дерегіне сүйенген rast.kz хабарлайды.

«Антикор» кезінде жалпы жұртқа «үңгір» идеологиясын қозғауымен атағы танылып, ала-бөтен жағымсыз аты қалған Дәурен Абаевтың министрлік тізгінін ұстаған кезеңін тереңінен тексеруге мүдделілік танытып отырған көрінеді.

«Қазір 2022 жылғы «Еуразия» халықаралық кинофестивалін өткізудің қаншалықты заңды болғаны жайы тексеріліп жатыр», – деп баяндайды ҚазТАГ агенттігіне жағдайға жақсы қанық мәнбе иесі.

ҚазТАГ редакциясының кинофестивальді өткізудің қаншалықты заңды екендігіне қатысты қойған сауалына қайтарған жауабында жемқорлыққа қарсы қызмет агенттігі әңгіменің қазіргі кезеңде жай тексеріс жүргізу шегінен асып өтіп, өте көп санды қылмыстық істерге барып тіреліп тұрғанын айтқан.

«Қазақстан Республикасының Сыбайлас жемқорлыққа қарсы іс-қимыл агенттігі Қазақстан Республикасы Мәдениет және спорт министрлігінің лауазымды тұлғаларына қатысты бірқатар қылмыстық істерді тергеп жатыр», – деп жауап берген ҚазТАГ сұрағына «антикордың» сотқа дейінгі тергеп-тексеру қызметінің басшысы Қанат Сүлейменов, сонымен бірге басқа ақпарды ашудан бас тарта отырып.

Айта кетейік, Нұрсұлтан Назарбаевтың рулас туысы әрі сыныптасы Әскербек Абаевтың ұлы Дәурен Абаев Мәдениет және спорт министрлігін 2022 жылдың қаңтарынан 2023 жылдың қаңтарына дейінгі аралықта, тура бір жыл басқарды. Ал соның алдында, 2020 жылдың мамырынан министр болып тағайындалғанға дейін ол Президент әкімшілігі басшысының бірінші орынбасары болған.

Абаевтың «үңгір» мәселесін қозғап, «аузымен авария» жасап алатын шағы осы қызметі кезінде орын алды. Ол 2021 жылғы 13 тамызда берген сұхбатында елімізде қазақша сөйлеуді талап етіп жүрген белсенділер әрекетін «үңгірдегі ұлтшылдық» («пещерный национализм») деп атады. Оның бұл пайымы көпшіліктің сынының астында қалды.

Дәурен Абаев 2023 жылдың наурызынан бері ҰҚШҰ (ОДКБ) бас хатшысының орынбасары болып қызмет атқарып келеді. Оның Атқару комитеті Беларусь астанасы – Минск қаласында орналасқан.

Тағы бір айта кететін жайт, 2022 жылғы 5 желтоқсанда Қазақстан кинематографистері «Еуразия» кинофестивалінің өткізілу «әдістеріне» көңілдері толмайтындарын білдірген болатын. Олар кинофестивальде көрсетілген қызметтер бойынша мемлекеттік сатып алу конкурсын өткізудің заңдылығына күмән келтірді.

Тағы көрсету

Пікір қалдыру

Ұқсас мақалалар

Back to top button