USD
МӘСКЕУ. 18 шілде. Күніне мың компаниясы жабылуы жылдамдағымен Ресей бизнесі біржола құрдымға құлап кетіп бара жатыр. Бұл туралы The Moskow Times хабарлады.
«Украинамен соғыс, Батыстың санкциялары және төлем төлеу қабілетінің қыспаққа алынуы Ресей экономикасының нақты секторында ауыр ахуал шақырып отыр», – делінген хабарламада.
Биылғы наурыз айынан маусымға дейінге батыстың қатқыл санкциялары елде 113,5 мың коммерциялық кәсіпорынның жабылып қалуына апарып соқтырды. Бизнестің сему қарқыны орта есеппен күніне 930 кәсіпорынның жабылып қалуымен өлшенуде. Ол жыл басынан бері 17,5 пайызға арта түскен.
Елде, тұтастай алғанда, жаңадан ашылып жатқан бизнестік құрылымдар жойылып кеткен компаниялардың үштен бір бөлігін ғана құрайды. Жекелеген өңірлерде бұл көрсеткіш бірнеше есеге дейін артып кетеді. Мысалы, Владимир облысында 1,1 мың компания жұмыс істеуін тоқтатса, жаңадан ашылғаны 302 ғана болады. Башқұртстанда 3,4 компания жабылып қалса, жаңа рынокқа 1,35 мың кәсіпорын шыққан.
Белгород облысында 1,3 мың тіршіліктен қалса, 454 жаңа ұйым қатарға қосылған. Осындай ахуал Ингушетия, Марий Эл, Коми, Солтүстік Осетия, Ханты-Манси ұлттық округі секілді ұлттық аймақтарда да айқын байқалып тұр.
Росстат сәуірдің соңында кәсіпорындардың салық төлемі жөніндегі қарыздарының 71,3 млрд рубль болғанын хабарлады. Бұл 66 пайыздық мөлшерді көрсетеді. Елдегі мұнай компанияларының кейінгі қалдырылған салықтарының көлемі соғыс басталғаны бері бес есеге дейін артып кеткен.
