USD
БЕЙЖІҢ. 14 маусым. Қытай лидері Си Цзиньпин бүгін өз елі армиясына Тайваньға кез келген уақытта басып кіруге рұқсат беретін директиваға қол қойды. Бұл туралы Radio Free Asia порталы хабарлады.
Шың елі басшысының бұл құжаты аталмыш әрекет қарулы күштерді «соғыс емес» мақсатында пайдалануға рұқсат етілуін көздейді. Осылайша Бейжің алдағы уақыттарды Тайваньға соғыс жарияламай-ақ, «арнайы операция» шеңберінде басып кіре алады.
Әлем сарапшыларының мұның тура Ресейдің Украинаға қарсы жүргізіп жатқан соғысының сұрқия саясатын ұстану екенін айтып жатыр.
Белгілі болғанындай, директива 15 маусымнан бастап күшіне енеді және әскерлерді операция түрлеріне даярлаудың, оларды ұйымдастыру мен басшылық жүргізудің негізгі принциптерін, сондай-ақ жауынгерлік тапсырмаларды орындауды реттейді. Құжатта мәлімделген мақсаттар қатарында ұлттық егемендікті қолдау, аймақ тұрақтылығын сақтау және арнайы операцияларды ұйымдастыру мен өткізуді реттеу бар.
Хабарлама Украина президенті Владимир Зеленский Тайвань бұғазында туып кетуі ықтимал әскери ұрыс қимылдарының қаупін дипломатиялық жолмен шешуге шақырғаннан кейін пайда болды. Мұның алдында Қытай қорғаныс министрі Вэй Фэнхэ Тайванды бөлшектеп алып кету әрекеті жасалған болса, Қытайдың оны сақтап қалу үшін «қандай да бір қиын болса да, ақырына дейін» соғысатынын мәлімдеген еді.
