Чехия Сенаты Ресейдің Украинадағы әрекетін геноцид деп таныды
ПРАГА. 11 мамыр. Бүгін Чехия Республикасының Сенаты Ресейдің Украинадағы соғысы кезіндегі бейбіт халыққа қарсы әрекетін «геноцид» деп таныған шешім қабылдады. Бұл туралы Oxy.az сайты хабарлады
«Чехия Сенаты сәрсенбі, 11 мамыр күні Ресейдің Украинадағы әрекеттерін украин халқына жасап жатқан геноциді деп мойындады», – делінген хабарламада.
Украинаның Чехиядағы елшісі Евгений Перебийнис осының жайын айта келіп, депутаттардың бұл ұстанымға бір кісідей дауыс бергенін мәлімдеді.
«Чех Сенаты қазір ғана Украинада украин халқын геноцидке ұшыратып жатқан Ресей армиясының әрекетін қылмыс деп тану жөнінде қаулы қабылдады. Қабылданған қаулыда сондай-ақ Чехияның Украинаны бұдан әрі де қару-жарақпен қамтамасыз ете отырып, елдің Еуропа одағына мүшелікке кандидат мәртебесін алуына қолдау көрсету мәселелері қамтылған», – деді елші.
Чех сенаторлары Ресейдің Украинада халықаралық гуманитарлық құқық пен халықаралық конвенцияны өрескел бұзып отырғанын атап көрсетті. Сенат Ресей әскерлері украинның Буча, Бородянка, Ирпень және Мариуполь қалаларында жасаған көптеген қылмыстарын айыптай келіп, бұлардың тұрғындарға қарсы жүргізілген террор, жаппай қырып-жою және жүздеген мың адамды депортация жасау болып саналатынына назар аударды.
