Колумбия РФ-ның Украинадағы әрекетін «геноцид» деп бағалады

БОГОТА. 14 сәуір. Колумбия президенті Иван Дуке Ресейдің Украинадағы әрекетінің  геноцид екенін мойындады. Бұл туралы CNN хабарлады.

«Украинада болып жатқан оқиғалар – бұл геноцид. Бұл тоқтатылуға тиіс… Бұл – ессіздік», – деді Дуке.

Колумбия басшысы Ресейге қатысты санкциялар салынғаннан кейін батыс елдерін қуат қорларымен қамтамасыз етуде басты рөл атқаруға дайын екенін мәлімдеді. Гәп мұнай мен газ турасында болып отыр.

Мұның алдында АҚШ президенті Джо Байден РФ президенті Владимир Путиннің Украина жерінде жасап жатқан әрекеттеріне «геноцид» деген баға берген еді. Бұдан кейін Канада премьер-министрі Джастин Трюдо «мұны геноцид деп атаған дұрыс келеді» деген тұжырым айтты.

Ал бүгін АҚШ-тың бұрынғы президенті Дональд Трамп Ресейдің Украинаға қарсы жасап жатқан әрекетінің геноцид деп атады.