Харьковті атқылау жалғасуда, Черниговтегі ахуал ауыр
КИЕВ. 5 наурыз. Ресей агрессорлары Харьковті атқылауды жалғастырып жатыр, ал Черниговтегі жағдай ауыр болып тұр. Бұл NewsTbilisi хабарлады.
Украина ішкі істер министрінің кеңесшісі Вадим Денисенко ақпараттық телемарафонда осыны баяндады. Оның айтуынша, Харьков түбінде жаудың 488-мотоатқыштар полкы жойылып жіберілген.
«Бірақ, өкінішке орай, Харьковті атқылау тоқтамау тұр. Черниговтегі жағдай да күрделі», – деп атап өтті Денисенко.
Оның айтуына қарағанда, түнде Украинаның оңтүстігіндегі Измаил, Южный, Килия, Белгород-Днестровский аумақтарына әуе дабылы қағылған.
Денисенко кеше Херсонға Ресейден гуманитарлық көмек келгенін, бірақ жергілікті тұрғындардың бірде-бірі оны алуға бармағанын айтты.
Қазір Ресей агрессорлары ірі қалалардан тек Херсонды ғана басып алып отыр. Қалған қалалар берілмей соғысып жатыр. Николаев пен Мелитополь жауға қайта-қайта тойтарыс берді. Харьков пен Киев те берілген жоқ. Житомир де қорғанып бағуда. Сумы қаласының іргесінде ұрыс жүріп жатқанымен, шекарашылар бір шетінен шекара шегіне жетіп үлгерді.
Луганск және Донецк облыстарында Украина армиясының басымдығы байқалы келеді. Олар енді мұндағы Украинаға тиесілі болып қалған жерлерді ғана емес, сепаратистер басып алған негізгі аудандарды да жаудан тазартып шығуға күш салуда.
Ал шолушылар басқыншылар армиясының әбден қалжырағанын, олардың арасында тұтқынға түсушіліктің өте көп екенін баяндап жатыр.
Екі ел делегациясы арасындағы келіссөздің екі раунды да екі жақтың біріне басымдық берген жоқ. Мұнда да Украина тарапы өзінің шартын күшейте бастады. Бұрын ресейліктерге атысты тоқтату мен әскерлерін әкетуді ғана талап етіп келсе, енді бұлардың қатарына Луганск және Донецк облыстарын түгел босатып беру, Қырымды қайтару мәселесін қосып отыр.
