USD
ЫСТАНБҰЛ. 23 қыркүйек. Украина Жоғарғы радасының бұрынғы депутаты, бұрынғы әскери ұшқыш Надежда Савченко Түркияда мешітке барып, Алла тағалаға құлшылық етті. Бұл туралы «Украина.ru» хабарлады.
Белсенді Ыстанбұлға барған сапарынан алған әсерлерін 23 қыркүйек күні Facebook-тегі парақшасына жазып шығарды. Ол мұнда өзінің мұсылман киіміндегі образын, сондай-ақ Құраннның украин тіліне аударылған нұсқасы мен Түркия президенті Тайип Ердоғанның кітабының суреттерін жариялады.
Бұдан алдын Савченконың Украинада өзіне лайықты жұмыс таба алмай жүргені хабарланған еді. Оның шыңға өрмелеуші болып орналасу немесе әскери қызметке қайта оралу жөніндегі талпыныстары орындалмай қалды. Ал әлеуметтік желіде жарияланған мәтін мен суреттерге қарағанда, ол қазір рухани жағынан ізденісте жүрген сияқты.
«Исламның адам жаны кеңістігі мен еркіндігінің, рух пен Аллаға сенімнің діні екенін білетіндер көп емес», – деп жазады экс-депутат.
Надежда Савченко қазіргі күндері «Надежда Савченконың қоғамдық-саяси платформасы» партиясының шеңберінде саясатқа араласуын жалғастырып келеді. Оның айтуынша, саясат деген – елде өзіңе не ұнамайтын болса, соған қарсы күресу. Ал бұл күрес ешқашан тоқтамауы тиіс.
