«Қытайдың зымыраны соңыра төбеңізге түсіп жүрмесін»
ВАШИНГТОН. 6 мамыр. Пентагон Қытайдың көкке жөнелткен ракетасының соңынан Жерге құлап түсуі мүмкін екенін жеткізді. Бұл туралы CNN телеарнасы хабарлады.
«Қытайдың Long March 5B маркалы ауыр ракета тасығышы көкке ұшырылғаннан кейін атмосфера қабатына қайта кіріп, Жер бетіне құлап түсуі әбден мүмкін», – делінген АҚШ қорғаныс ведомствосы таратқан хабарламада.
Пентагонның өкілі Майкл Ховард бұлай болуы ықтимал екенін жоққа шығармайды.
Ғарыш командованиесінің ақпарына сәйкес, зымыран атмосфераға шамамен 8 мамыр күні өтеді. Ховардтың айтуынша, оның дәл кіретін жерінің аумағы бірнеше сағат қалған кезде ғана белгілі болады. Қазіргі таңда нысанның жылдамдығына байланысты оны анықтау мүмкін болмай отыр.
«Біз ракета шамамен 8 және 10 мамыр күндері аралығында атмосфераға қайта кіретін шығар деп күтіп отырмыз. Осы екі күндік кезеңде ол Жерді айналу саяхатын 30 рет қайталайды. Бұл нәрсе шамамен сағатына 18 мың миль (сағатына 29 мың шақырымға жуық – «Лента.Ру» ескертпесі) жылдамдықпен жылжиды», – деді телеарнада Гарвард университеті Астрофизика орталығының ғалымы Джонатан Макдауэлл.
