USD
УАШИНГТОН. 31 шілде. АҚШ президенті Дональд Трамп Украинаға Patriot зымырандарын шығаруға рұқсат беру жайлы әлі шешім қабылдамағанын мәлімдеді. Бұл туралы The Moscow Times ақпарына сілтеме жасаған rast.kz хабарлайды.
Айтуынша, ол Киевке қажетті лицензияны берудің дұрыстығына «сенімді емес» екенін, бірақ бұл мәселе әлі қарастырылып жатқанын баяндады. «Бұл мүлдем ерекше қару және біз лицензияны кімге беру керек екеніне мұқият болуымыз керек. Біз қару-жарақ өндіруге лицензия бермейміз», – деді Трамп Financial Times (FT) басылымына берген сұхбатында.
Ақ үйдің қожайыны қазіргі уақытта барлық назардың Ресей мен Украина арасындағы соғысты тоқтатуға бағытталып отырғанын тәкпір етті. «Былайша айтқанда, біз Украина мен Ресейдің арасындағы соғыстың аяқталғанын қалаймыз. Менің мақсатым зымыран емес, бііздің мақсатымыз – бейбітшілік», – деп атап өтті Трамп.
Ол өзінің арнайы елшілері Стив Уиткофф пен Джаред Кушнердің жақын арада осы мақсаттың мүддесімен Киевке баратынын айтты.
Шілде айының басында Анкарада өткен НАТО саммитінде АҚШ президенті Украинаның көшбасшысы Володимир Зеленськиймен Украинада зымыран шығару мәселесін талқылаған еді. 28 шілдеде олар Уашингтонда тағы бір кездесу өткізді. Одан кейін Зеленський Трамптың «лицензия беруге» келіскенін жеткізді. Бірақ кейін бұл мәлімдеме Ақ үйде ресми түрде расталмады.
Patriot тосқауыл қою зымырандары Ресейдің баллистикалық ракеталарынан қорғануға өте-мөте керек болып саналады.
